| |
-
Descrición e
obxectivos: O obxectivo da presente convocatoria é apoiar
as accións transnacionais:
- Promovendo o intercambio de información administrativa da
seguridade social entre os Estados membros, co fin de axudalos
na aplicación dos Regulamentos (CE) nº 883/2004 e 987/2009;
- Promovendo a cooperación transnacional entre as institucións
encargadas da seguridade social, os intercambios transnacionais
de experiencias, a difusión das mellores prácticas e as iniciativas
de formación desenvolvidas a nivel nacional;
- Proporcionando un mellor servizo e sensibilizando ao público,
incluíndo medidas orientadas á identificación de problemas
na seguridade social dos inmigrantes e simplificando os procedementos
administrativos, a análise dos obstáculos á libre circulación
e a falta de coordinación dos sistemas de seguridade social,
incluída a adaptación dos procedementos administrativos a
novas técnicas de procesamento de información tras a introdución
do sistema electrónico de intercambio de datos;
- E mellorando o coñecemento do público sobre os seus dereitos
a a libre circulación e a coordinación dos réximes de seguridade
social.
Sobre a base dos obxectivos descritos, definíronse 2 subprogramas:
- Apoio ao desenvolvemento da cooperación transnacional entre
as institucións
- Información ao público sobre o acceso á protección da seguridade
social cando exerciten o dereito á libre circulación
-
Accións subvencionables:
Para ser elixibles, as accións deben:
- Estar vinculadas polo menos a un obxectivo da convocatoria
de propostas;
- Levarse a cabo en cooperación entre os socios de polo menos
dous Estados membros diferentes;
- Ser completamente realizadas nos Estados membros da Unión
Europea.
-
Orzamento:
O orzamento previsto para o cofinanciamento dos proxectos seleccionados
conforme a esta convocatoria de propostas é de 1.000.000 euros,
cun importe máximo de 400.000 euros para un proxecto individual.
A porcentaxe de cofinanciamento limitarase a un máximo do 80%
dos custos totais subvencionables da acción.
Os solicitantes que reclamen unha subvención de máis do 80% serán
excluídos automaticamente da selección.
- Prazo de presentación das
solicitudes:
A data límite para a presentación das solicitudes é o 17
de maio de 2010 para as accións que comecen entre o 17 de
xullo de 2010 e o 20 de decembro de 2010.
- Lugar de presentación das solicitudes:
Por correo postal:
European Commission - DG EMPL/E.3
Call for proposals VP/2010/004
J27 02/241
B-1049 Brussels
Belgium
|
A solicitude deberá enviarse por correo certificado ou servizo de
mensaxaría expres, conservando o xustificante da data de envío (a
data do selo da oficina de correos ou do recibo da mensaxaría expres
será considerada como proba da data do envío).
Entrega en man:
|
European Commission
Avenue du Bourget n° 1, B-1140 Evere, Belgium
|
- Centro de información
comunitario:
Os solicitantes poderán expoñer as súas dúbidas
escribindo ao seguinte punto de contacto:
Para obter unha resposta máis rápida é recomendable enviar as consultas
en inglés ou francés.
|
carta de
servizos
contacto
DO serie L e C DO serie S 