Descrición e obxectivos: Conforme o programa plurianual de traballo da Rede Transeuropea de Transporte (RTE-T) para o período 2007-2013, a Dirección Xeral de Mobilidade e Transportes da Comisión Europea convoca propostas con vistas á concesión de subvencións para proxectos no campo dos servizos de información fluvial (SIF).
O obxectivo xeral desta convocatoria é fomentar o despregamento dunha infraestrutura e permitir a prestación de servizos de información fluvial que incorporen a aplicación harmonizada dos SIF en toda Europa.

Solicitantes: Un ou varios Estados membros, empresas conxuntas, organizacións públicas ou privadas ou organizacións internacionais (co consentimento dos Estados correspondentes).

Financiamento: O importe máximo total dispoñible para as propostas seleccionadas é, para 2010, de 10 millóns EUR.

Prazo de presentación de solicitudes:  O prazo de presentación das propostas remata o 31 de agosto de 2010.

Lugar de presentación de solicitudes:  As solicitudes, que deberán cumprir cos requisitos que se detallan na correspondente guía do candidato, enviaranse á seguinte dirección:

Centro de información comunitario:

TEN-T Executive Agency established by the European Commission Square Frère Orban 10 B-1040 Brussels Belgium tent-agency@ec.europa.eu

Calquera outra cuestión relacionada con esta convocatoria poderá remitirse por correo electrónico ao RIS Helpdesk